Tanzania Uholanzi kuimarisha ushirikiano sekta ya Elimu.

Katibu Mkuu Wizara ya Elimu, Sayansi na Teknolojia Prof. Carolyne Nombo Oktoba 6, 2023 jijini Dodoma amekutana na kufanya mazungumzo na Ujumbe kutoka Taasisi ya Kimataifa ya Chuo Kikuu cha Rotterdam nchini Uholanzi ukiongozwa na Prof Peter Knorringa kutoka uholanzi.

Ujumbe huo pia uliambatana na Mtendaji Mkuu wa Taasisi ya REPOA Tanzania Dkt Donald Mmari, Taasisi inayofanya kazi kwa ushirikiano na ISS.

Mazungumzo yalilenga kujadili mpango wa programu mpya za mafunzo ya kuwajengea uwezo Wataalam wa masuala ya Sera ili kukabiliana na mabadiliko ya Ushirikiano wa Kimaendeleo na biashara.

Akizungumza katika kikao hicho Prof. Nombo amesema Tanzania ipo tayari kuuunga mkono juhudi hizo na kushirikiana hususan katika maeneo ya Sera ya Elimu na mafunzo, TEHAMA pamoja na uimarishaji programu za mafunzo kwa vitendo.

Kwa upande wake Dkt Mmari amesema Wadau wa Maendeleo wameunga mkono programu hiyo hasa katika nyanja za Elimu.