Prof. Nombo yupo jijini Tanga kukagua maandalizi ya Maadhimisho ya Wiki ya Kitaifa ya Elimu, Ujuzi na Ubunifu

Katibu Mkuu Wizara ya Elimu, Sayansi na Teknolojia Prof. Carolyne Nombo yupo jijini Tanga Mei 14, 2024 kukagua maandalizi ya Maadhimisho ya Wiki ya Kitaifa ya Elimu, Ujuzi na Ubunifu yanayotarajia kuanza tarehe Mei 25 - 31 2024 katika Viwanja vya Shule ya Sekondari Popatlal.

Prof. Nombo akizungumza na Kaimu Katibu Tawala wa mkoa huo Dkt. Japhet Simeo amemueleza kuwa pamoja na majukumu mengine atafuatilia utekelezaji wa Mitaala Mipya na ujenzi wa miundombinu mbalimbali katika Vyuo vya VETA.

Dkt. Simeo ameipongeza Wizara ya Elimu, Sayansi na Teknolojia kwa kusimamia mageuzi ya elimu Nchini na kwa kuzingatia ubora.